دەنگی کرێکار، کۆمەک و هاوکاری دەگەیەنێتە زیانلێکەوتووانی لافاوەکەی چەمچەماڵ!
گەرماوگەرم و دوای ئارامبوونەوەی لافاوەکەی چەمچەماڵ، بڵاوکراوەی دەنگی کرێکارو تیمەکەی بەبڕێک هاوکاری ئەوەندەی لەتوانایدا بوو کۆمەکی خۆی گەیاندە چەمچەماڵ و لەنزیکەوە تەسلیمیکرد بەلیژنەی وەرگرتنی کۆمەکە ماددیەکان کەبەڕێز ئارامەڕیشە سەرۆکاری لەئەستۆگرتووە.. دەنگی کرێکار بەو بڕە کۆمەکە جەختیکردووە وەک چۆن هەمیشە بەسەبەتە خۆراک چەندین ماڵەنەدارو کرێکاری بەسەرکردۆتەوە لەچەندین ناوچەی سنوری سلێمانیدا، ئەمجارەش بەهۆی زەرەرو زیانی لافاوەکەوەوە جارێکی تر لەپاڵ کرێکاران زەحمەتکێــــشاندا ڕاوەستاو خۆی بەبەشێک لەهەڵگرتنی ناڕەحەتی و میحنەتەکانی ئەوان دەزانێت..
