بەهۆی تەزووی کارەباوە کرێکارێک گیانی لەدەستدا …
دەنگی کرێکار – دهۆک
ئەمڕۆ سێشەممە ٢٠٢٦/١٠/٢٠ لە ناحیەی دۆمیزی شاری دهۆک، لە کاتی کارکردندا دوو کرێکاری بۆیاخکردن تووشی کارەباگرتن بوون؛ بەو هۆیەوە یەکێکیان گیانی لەدەست دا و ئەوی تریان بریندار بوو.
مەتین جەمیل بەرپرسی ڕاگەیاندنی تەندروستیی دهۆک، لە لێدوانێکدا ڕایگەیاند.هەردوو کرێکارەکە گەیاندراونەتە نەخۆشخانەی دهۆک، بەڵام بە داخەوە بەهۆی سەختیی برینەکەیانەوە یەکێکیان گیانی لەدەست دا و ئەوی تریشان بریندار بوو.
ئەو کرێکارەی گیانی لەدەست داوە ناوی (محەمەد ساڵح)ە و تەمەنی ۳٥ ساڵە. سەبارەت بە دۆخی تەندروستیی کرێکارە بریندارەکەش، ئاماژەی بەوە دا کە لە ئێستادا لەژێر چاودێریی پزیشکیدایە و چارەسەری پێویست وەردەگرێت
