پەیامی ستافی بڵاوکراوەی دەنگی کرێکار بەبۆنەی
٨ی مارس، ڕۆژی جیهانی ژنانەوە!
٨ی مارس ڕۆژی ڕاوەستانەوەیە بەدژی ستەمکێشی ژنان. کویلەیەتی و ژێردەستەیی ئینسانی ژن، یەکێک لەکۆڵەکەکانی مانەوەی سەرمایەداری و داسەپەندنی سەخترین هەلومەرجی ژیان و کارە بەسەر چینی کرێکاردا، هەربۆیە کرێکاران دەبێ کێشەی ژن و ڕزگاری ژنان، بەکێشەو ڕزگای خۆیان بزانن . سەرمایەدارن و حکومەتەکانیان، جیاکاری و ستەمگەری ژنانیان کردۆتە ئامرازێک بۆ پارچە پارچەکردنی ڕیزەکانی کرێکاران و لەخوارەوە ڕاگرتنی ئاستی کرێ وبژێویان، بەڕادەیەک کە هەر جۆرە بێمافی و سەرکوت و جیاکارییەک لەکۆمەڵگادا بەدژی ژنان، ڕاستەوخۆ بەزیانی خەباتی یەکگرتوانەی چینی کرێکار تەواو دەبێت.. کەوایە با ڕۆژی ٨ی مارس بکەینە ڕۆژی توندکردنەوەی خەباتمان لەدژی پیاوسالاری و جیاکاری وتوندوتیژی لەدژی ژنان.. بژی ٨ی مارس ، بژی خەباتی ژنان وپیاوانی کارگەر وسەرجەم یەکسانیخوازان لەپێناو دونیایەکی باشتردا.. ستافی بڵاوکراوەی دەنگی کرێکار
