لەمەراسیمی ئایاری ئەمساڵدا، بڵاوکراوەی دەنگی کرێکار، خەڵاتی ڕێزلێنانی بەخشی بەهە‌ڵسوڕاوێکی کرێکاریی!
لەمەراسیمی ئایاری ئەمساڵدا، کەلەقەزای بازیان سازدار، بڵاوکراوەی دەنگی کرێکار، خەڵاتی ڕێزلێنانی بەخشیە یەکێک لەهەڵسوراوانی بزوتنەوەی کرێکاریی، بەڕێز“عومەر سەعید ئەحمەد ناسراوبە (عومەری ڕافیعە)“..
خەڵاتەکە لەلایەن هاوڕی دابان، هاوکاری دەنگی کرێکار، لەنیو ئابوڕەی کرێکارانی ئامادەبوی مەراسیمەکە لەگەڵ پاکەتێک شیرینی وچەپکیک گوڵ پێشکەشکرا. جیاگای ئاماماژەیە لەسەر خەلاتەکەی دەنگی کرێکار نوسراوە: ” بەمەبەستی ڕیزلێنان لەهەوڵ وتێکۆشانی بێوچانی ئێوە لەئاست داکۆکی کردن لە خواستەکانی کرێکاراندا، هەروەها وەک ڕێزلێنانێک بەرامبەر بەوەی کە ئێوە لەڕیزی یەکەمین کەسانێکدا بوون کەهاوکاری دەنگی کرێکارتان کردووە، ئەم خەڵاتەتان پێشکەش دەکەین. هەر لێرەدا بەناوی ستافی بڵاوکراوەی دەنگی کرێکار و سەرجەم هاوکارانیەوە، ڕێزو پێزانینی تایبەتی خۆمان پێشکەش دەکەین و هیوای تەمەندرێژی و ژیانێکی پڕ دەستکەوتت بۆ دەخوازین
