لە کاتی کارکردندا کرێکارێک لە سۆران گیانی لەدەستدا
دەنگی کرێکار / سۆران
کەمێک پێش ئێستا، لە ڕووداوێکی دڵتەزێندا لە سنووری قەزای سۆران، کرێکارێک لە کاتی ڕاپەڕاندنی کارەکانیدا گیانی لەدەستدا، کە باوکی سێ منداڵە. بەپێی زانیارییەکان، کرێکارەکە ناوی (وەستا گۆران ئەنوەر )یە و تەمەنی 36 ساڵە. ڕووداوەکە لە کاتی کارکردنیدا بووە لە مزگەوتی گوندی “مەجیداوە”ی سەر بە سۆران، کاتێک بارێک کاشی کەوتووە بە سەریدا و بەهۆی سەختی برینەکەیەوە دەستبەجێ کۆچی دوایی کردووە.
بەڕێوەبەری فریاکەوتنی نەخۆشخانەی ئاشتی، لە لێدوانێکدا ڕایگەیاند تەرمی ئەم گەنجە گەیەندراوەتە پزیشکی دادی سۆران. بەهۆی ڕووداوەکەوە زەبرێکی زۆر سەخت بەر سەری کەوتووە کە بووەتە هۆی گیانلەدەستدانی.
