لە کەرکوک کرێکارێکی تەمەن 43 ساڵ بەهۆی تەزووی کارەباوە گیانی لەدەستدا
دەنگی کرێکار – کەرکوک
جارێکی تر نەبوونی مەرجەکانی سەلامەتی لە شوێنی کاردەبێتە هۆی گیانلەدەستدانی کرێکارێک و خێزانێکی تر ڕەشپۆش دەکات.
ئەمڕۆ لە گەڕەکی ڕاپەڕینی دوو لە شاری کەرکوک کرێکارێک لە کاتی ئەنجامدانی کارەکەیدا تووشی ڕووداوێکی دڵتەزێن بوو و بەهۆی بەرکەوتنی تەزووی کارەباوە دەستبەجێ گیانی لەدەستدا.
بەکارهێنانی مەرجەکانی سەلامەتی و پاراستنی ژیانی هێزی کار لە کاتی کارکردندا، هێشتا وەک پێویست جێبەجێ ناکرێت ئەمەش ساڵانە دەبێتە هۆی بەرزبوونەوەی ئاماری قوربانیانی کرێکاران
زانیارییەکان دەربارەی قوربانییەکە
ناو سامر ئەحمەد
تەمەن 43 ساڵ
شوێنی نیشتەجێبوون گەڕەکی عەسکەری کەرکوک
هۆکاری کۆچی دوایی بەرکەوتنی تەزووی کارەبا لە کاتی کارکردندا
٢٠٢٦/٦/٢٧
