لە کاتی کارکردندا کرێکارێکی هاتوو بە جەڵدەی دڵ گیانی لەدەستدا
بەیانی ئەمڕۆ٢٠٢٦/٦/١٦، لە ڕووداوێکی دڵتەزێندا، کرێکارێکی خەڵکی سووریا (ڕۆژئاوای کوردستان) لە کاتی ئەنجامدانی کارەکەیدا لە گوندی (گردخەبەر) تووشی جەڵدەی دڵ بوو و دوای گەیاندنی بە نەخۆشخانە گیانی لەدەستدا.
بەپێی زانیارییەکان، کرێکارەکە ناوی (ئیبراهیم حەسەن)ە و تەمەنی ٤٩ ساڵە. لە کاتی کارکردندا بەهۆی تێکچوونی باری تەندروستییەوە، دەستبەجێ گەیەنراوەتە نەخۆشخانەی گشتیی تەق تەق و چارەسەری پێویستی بۆ کراوە، بەڵام بەداخەوە هەوڵە پزیشکییەکان بێسود بوون و دواجار گیانی لەدەستداوە.
لە ئێستادا تەرمی ناوبراو بە مەبەستی تەواوکردنی ڕێکارە یاسایی و پزیشکییەکان، ڕەوانەی پزیشکی دادی کۆیە کراوە.
