بۆ دووەم جار وانەبێژان بێبەش بوون لە مافی دامە زراندن
محمد ئە مین
دووای ئەوی مەسروربارزانی لەچوارچێوەی هەڵمەتی هەڵبژاردن و بانگەشە بۆحــزبەکەی بریاری
دامەزراندنی بۆ۳۸ هەزار وانەبێژی خوێندنی باڵای دەرکرد
ئەمەیش بووە هۆی بێبەشی و ناڕزایەتی وانەبێژانی وزارەتی پەروەردە
چونکە لەماوەی ساڵانی رابردو دا ئەمە دووەمین جارە وانەبێژانی دابڕاوی پەروەردە لەمافی گرێبەست بوون بێبەش دەکرێن جاری پێشو لەدوای ڕاگیرانی دامەزرادنەوە لەساڵی ۲۰۱۲ وە بەمەرجی ئەزمونی سێ ساڵی لەسەریەک لەنیوان سڵانی ۲۰۱٤بۆ۲۰۱۵ بەشێک لەوانەبێژانی وزارەتی پەروەردە کرانە گرێبەست و دوواتر بوون بە هەمیشەی بەڵام بەشێکیان بێ بەشــبوون لەو مافەو بە بیانووی ئەوەی سێ ساڵی لەسەریەکیان تەواونەکردوە دابڕاوون بەردەوام نین مانەوە و بێبەش بوون لەهەمووشتی هەرچەند وانەبێژانی دابڕاو بەو پارەکەمەی کەلەبەرامبەر وانەبێژیدا وەریان دەگرت ئامادەی وانەبێژی بوون بەڵام لەقوتابخانەکاندا لەلایەن بەڕێوەبەرەکان و بەشێک لە بەرێوەبەری پەروەردەی قەزاکانەوە بەبیانو نەبوونی فەراغات و نەبوونی جێگاو ناپێویستی بەشێکی زۆریان لە پرۆسەکە دابڕان و هەربۆیە ناوی وانەبێژانی دابڕاویان بەسەردا بڕاوە ئێستا و دووای زیاتر لە ۱۳بۆ۱٤ ساڵ بۆجاری دووەم دیسانەوە لەگەڵ بەشێکی تریان وەکو جاری پێشو بێبەش بوون لەو مافە بەڵام ئەمجارەیان نەک ئەزمونی سێ ساڵ نەکرایە پێوەر بەڵکو تەنها وزارەتی خوێندنی باڵای گرتەوە ئەمەلەکاتێکدایە بەشێک لەوانەبێژان ئەزموونی ۱۰ ساڵ وانەووتنەوەیان هەیەو بەشێکی بەرچاوی نەبوونی میلاکات و نەبوونی دامەزراندنیان پرکردوەتەوە و بێ گوێدانە مانگانەیەکی کەم خزمەتیان بەپرۆسەی پەروەردەو فێرکردن کردوە هەربۆیە وەزارەتی پەروەردە بۆبێ دەنگکردنی وانەبێژانی دابڕاو بەبیانوی کۆکردنەوەی داتاو سەرژمێری وانەبێژانی دابراوەوە فۆرمێکی بەوانە بێژان پڕکردوەوە بەڵام وەکو ئەوەی وانەبێژانی دابڕاو باسی دەکەن ژمارەیان لە نزیکەی ۲۵۰۰کەسەوە زیادکراوە بۆ۱۲٤۵۳کەس ئەمەیش دیسان ناڕەزایەتی وانەبێژەدابڕاوەکانی لێکەووتەوە دەڵێن دەبێت تەنها ئەوناوانە بگرێتەوە کەئەمـری وانەبێژیان هەیە و لەبەڕێوەبەرایەتی پەروەردەی قەزاکانەوە دەرچووە و لەهەمان کاتدا لەناو لیستی مەعاشی وانەبێژانی قوتابخانەکانەوە ناویان هەیە
لەلایەکی ترەوە د.ئالان حەمەسەعیدی وەزیری پەروەردە لەوڵامی چەن پرسیارێکی تایبەت بەچارەنووسی وانەبێژانی دابڕو چەندجارێک ڕایدەگەیەنی دانانەوەی وانەبێژە لادراوەکان لەسەربنەمای فەڕاغات و پێداویستی پسپۆڕێکان دەبێت کەلەپەروەردەی قەزاکانەوە داواکاریان بەرز بکرێتەوە ئەمانیش لای خۆیانەوە کارئاسانیان بۆ دەکەن ئەمەیش دیسانەوە بەشێکی بەرچاوی پسپۆری بەشە ئەدەبێکانی لێ بێ بەش دەبێت بەتایبەت وانەکانی مێژوو جوگرافیاو ئابووریو کۆمەڵناسی و ڕەنگە بۆ پسپۆریی و زمانەکانیش تووشی هەمان کێشەببن بەتایبەت لەپەروەردەی هەندێ قەزادا کەڕەنگە فەراغات بۆ پسپۆری زمانەکان و وانە زانستێکانیش هەبێت
