ڕێگری لەگردبوونەوەی دەستفرۆشانی بازاڕی ڕانیە دەکرێت
دەنگی کرێکار – ڕانیە
دوێنێ١٥/٨/٢٠٢٣٢ لەنێو بازاڕی ڕانیەدا لەبەردەم باخی گشتیدا، دەستفرۆشان گردبوونەوەیەکیان ئەنجامداو داوایانکرد ڕێگایان پێ بدرێت کەلەشوێنی خۆیان کەچەندین ساڵەکاری تێدا دەکەن بمێننەوە.. کاسبکاران دەڵێن: ماوەی زیاتر لەمانگێكە دەستی دەستیان پێدەكرێت و وەڵامی داواكاریەكانیان نادەنەوەو ئەوانیش بەبێ كاروکاسبی ماونەتەوە..
وەك خۆیان دەڵێن ئەوان كارو كەسابەتی ڕۆژانەیان لەسەر ئەو مێزو عەرەبانانەیە، كەچی لەلایەن لیژنەكانی شارەوانی و هێزە ئەمنیەكانەوە ڕێگایان لێدەگیرێت و شوێنەكانیان پێ چۆڵكراوە.
لەماوەی ڕابردووشدا چەندین جار گردبونەوەی ناڕەزایەتیان ئەنجامداوە، بەڵام وەك خۆیان دەڵێن لەلایەن لیژنەكانی شارەوانی و هێزە ئەمنیەكانەوە بڵاوەیان پێدەكرێت و ڕێگە نادەن ناڕەزایەتیش دەرببڕن و گوێ لە داواكاریەكانیشیان ناگیرێت. لەکاتی گردبوونەوەکەدا، یەکێک لەدەستفرۆشەکان لەلایەن هێزە ئەمنیەکانەوە دەستبەسەرکرا، بەڵام لەلایەن هاوڕێیانیەوە لەدەست هێزە ئەمنیەکان دەربازکرا
وێنەکە لەکرێکار تیڤیەوە وەرگیراوە
