بەهۆی تەقینەوەی تانکەرێکەوە کرێکارێک گیانی لەدەستدا
دەنگی کرێکار / کەلار
ئەمڕۆ دووشەممە٢٠٢٦/٥/٢٥ لە ڕووداوێکی دڵتەزێندا لە قەزای کەلار تانکەرێک تەقییەوە و لە ئەنجامدا کرێکارێک بە سەختی بریندار بوو کە دواتر بەهۆی سەختی برینەکەیەوە گیانی لەدەستدا.
بەپێی زانیارییەکان قوربانییەکە ناوی (سەباح قادر مەحموود)ە و تەمەنی ٤٣ ساڵ بووە. ڕووداوەکە لە کاتی کارکردندا ڕوویداوە و بەهۆی بەهێزی تەقینەوەکەوە، ناوبراو دەستبەجێ بە سەختی بریندار بووە و گەیەندراوەتە نەخۆشخانە.
سەرچاوە پزیشکی و خۆجێییەکان ڕایانگەیاند کە سەرەڕای هەوڵە پزیشکییەکان بۆ ڕزگارکردنی ژیانی بەڵام کەمێک لەمەوبەر بەهۆی قورسی و سەختی برینەکەیەوە سەباح قادر گیانی لەدەستدا.
