دەڤەری ڕاپەڕین: دۆخی کرێکارانی ژینگەپارێز زیاتر بەرەوخراپی دەڕوات!
نامەی کرێکارێک بۆ بەردەم ڕای گشتی
سڵاو سەرنوسەری بڵاوکراوەی دەنگی کرێکار:
ئێمەی ژینگە پارێز لەئیدارەی ڕاپەرین . کەماوەی زیاتر لە سێ مانگە موچەکانمان لەلای کۆمپانیای بیفانە پێمان نەدراوە .لەکاتێکا موچەیەکی زۆر کەم . ئیشێکی زۆرمان بەشاندا دراوە. بیمەی تەندروستیمان کەس نازانێت هەیە یان نییە . خوا نەخواستە کرێکارێک شتێک بەسەر جەستەیدا بێت ، کۆمپانیا خۆی بەبەپرسیار نازانێت . چەندین جار ویستومانە ناڕەزایەتی دەربڕین . بەڵام زۆرجار کرێکار دەرکراوە . یان بەشێک لە موچەکەمان بڕاوە . ئیتر تاک و بلێی دۆخی ژینگە پارێزانی ئیدارەی ڕاپەرین لەبارودۆخێکدایە کە هیچ کەس ئاواتی پێ ناخوازێت . چەندین جار لەڕێگای پەرلەمانتاران و ئەندامانی ئەنجومەنی پارێزگای سلێمانی و ڕاگەیاندکاران و دەنگی کرێکارەوە، ویستومانە دەنگامان بگات بەسەرۆکی حکومەت و جێگرەکەی و وەزیری کاروباری کۆمەڵایەتی ،بەڵام نەگەیشتووین بەهیچ ئەنجامێک . ڕۆژ بەڕۆژ دۆخەکە ناهەموارتر دەبێت . ڕۆژ بەڕۆژ دۆخی ژینگە پارێزان دژوارتر دەبێت . ڕۆژ بەڕۆژ موچەکانمان درەنگتر دەبێت .
