مۆتەکەی ئاگرەکەی تانجەرۆ قوربانییەکی دیکەی لێکەوتەوە؛ ئەفشین فەرەجی گیانی لەدەستدا
دەنگی کرێکار: ئەفشین فەرەجی، ئەو هاوڵاتییەی بەهۆی ڕووداوی ئاگرکەوتنەوەکەی ناوچەی تانجەرۆ لە سلێمانی %90ی جەستەی سوتابوو، دوای هەفتەیەک لە ململانێ لەگەڵ برینە سەختەکەی، لە یەکێک لە نەخۆشخانەکانی شاری تاران گیانی لەدەستدا.
بەپێی زانیارییەکانی «دەنگی کرێکار»، دوای ڕووداوە دڵتەزێنەکەی تانجەرۆ و بەهۆی قورسی و ڕێژەی بەرزی سووتاندنەکەیەوە، ناووبراو بەپەلە ڕەوانەی وڵاتی ئێران (تاران) کرا بە مەبەستی وەرگرتنی چارەسەری پزیشکی. بەڵام سەرەڕای هەوڵە پزیشکییەکان، بەهۆی سەختی برینەکانیەوە لە نەخۆشخانە ماڵئاوایی لە ژیان کرد.
