گیانلەدەستدانی کرێکارک بەهۆی تەزووی کارەباوە لە دەڤەری پشدەر
دەنگی کرێکار – ڕاپەڕین
بەداخەوە لە بەردەوامی ڕووداوەکانی کار و نەبوونی مەرجە بنەڕەتییەکانی سەلامەتی لە شوێنی کاردا، لە سنوری ئیدارەی سەربەخۆی ڕاپەڕین ڕووداوێکی دڵتەزێن ڕوویدا و بووە هۆی گیانلەدەستدانی کرێکارێک.
بەپێی زانیارییەکان. لە دەڤەری پشدەر وەستا (عمر خدر عوسمان) لە کاتی ئەنجامدانی کارەکەیدا تووشی ڕووداوی بەرکەوتنی تەزووی کارەبا بووە. بەهۆی توندی بەرکەوتنەکەوە، ناوبراو دەستبەجێ گیانی پاکی سپاردووە.
ماڵپەڕی دەنگی کرێکار هاوخەمی قووڵی خۆی بۆ خێزان و کەسوکاری وەستا عومەر هێرۆیی ڕادەگەیەنێت و سەرەخۆشییان لێدەکات
