کرێکارانی کارگەی کۆنکرێتی ئامادەکراوی هەڵەبجە، تا بەدەستهێنانی موچەی تەواو، سورن لەسەر مانگرتنەکەیان!
| دەنگی کرێکار
لەسەرەتای مانگی چوارەوە، کرێکارانی کارگەی کۆنکرێتی ئامادەکراوی هەڵەبجە دەستیانداوەتە مانگرتن لەسەر پێنەدانی تەواوەتی موچەکانیان.. ئەوان دەڵین بەردەوامدەبین هەتا ئەوکاتەی کەلایەنی پەیوەندیدار وەڵاممان ئەداتەوە… ئێستا مانگرتنەکەیان هەڵپەساردووە بەشێوەی کاتی و بەقسەی خۆیان چاوەڕێی سەندیکای کرێکارانی سلێمانی دەکەن کەچ وەڵامێک بەقازانجی کرێکارەکان دەگێڕنەوە.. بەپێی بەدواداچوونەکانی دەنگی کرێکاریش، پێئەچیت لەم ڕۆژانەدا وەڵامێکی ئەرێنییان بدرێتەوە..
بەڵام پاش نزیک مانگێک و پاشئەوەی کەڕێککەوتنکرا لەگەڵ کارگەی ناوبراودا بەنێوەندگیری سەرۆکی سەندیکای بیناسازی بۆ کەمنەکردنەوەو لێبڕینی مووچەی کرێکاران و دوای ئەوەی چەندین کرێکار دەستلەکارکێشانەوەی خۆیان لەو کارگەیە ڕاگەیاند، بەڵام بەڕێوەبەری کۆمپانیاکە جەختدەکاتەوە لەبڕین و کەمکردنەوەی مووچەی کرێکاران و جارێکی تر کرێکارەکان مانگرتنی خۆیان ڕاگەیاندەوەو سورن لەسەر مانگرتنەکەیان هەتا ئەو کاتەی خواستەکانیان جێبەجێ نەکرێت.
لێرەوە دەنگی کرێکار بانگەوازی لایەنی پەیوەندیدارو حکومەت دەکات کەڕێگاو میکانیزمی گونجاوو بگرنەبەرو لەسەر خواست و مافەکانی کرێکارەکان بەپەلە بێنە سەخەت و کێشەی ئەو کرێکارانە هەرچی زووترە بەقازانجیان یەکلایی بکەنەوە.
