کرێکارێک لە پێناو دابینکردنی ژیاندا گیانی سپارد
دەنگی کرێکار – سلێمانی
لە ڕووداوێکی دڵتەزێندا، عوبەید عەباس مستەفا، کرێکارێکی نیشتەجێی گوندی کانیبی، لە کاتی کارکردن بە ماتۆڕە سێ‌تاییەکەی بۆ کۆکردنەوەی مقەبا، تووشی ڕووداوێکی هاتوچۆ بوو و گیانی لەدەستدا. کۆچی عوبەید لەم کاتی جەژنەدا، جارێکی تر پەردە لەسەر ئەو مەترسییە گەورانە لادەداتەوە کە ڕووبەڕووی کرێکارانی کەرتی نافەرمی و پەراوێزخراوەکان دەبێتەوە. ئەو پیاوەی تەنها ویستی دابینکردنی ژیانێکی شایستەی بۆ خێزانەکەی هەبوو، بووە قوربانیی ئەو سیستەمە سەختەی کە هیچ پارێزبەندییەکی بۆ ژیانی مرۆڤە ماندووەکان نییە. دەنگی کرێکار هاوخەمی قووڵی خۆی بۆ بنەماڵەی ئەم قوربانییەی ڕێگەی کار و بژێوی دەردەبڕێت و جەخت لەسەر پاراستنی شکۆی مرۆیی و مافی ژیانی کرێکاران دەکاتەوە.
