شاری کەرکوک کرێکارێک بە تەزوی کارەبا گیان لە دەستدەدات
دەنگی کرێکار کەرکوک
ئەمڕۆ ٢٠٢٥/١٢/١٧لە گەڕەکی بارووتخانەی شاری کەرکوک ، لەکاتی چاککردنی کارەبا، کرێکارێک تەزووی کارەبا لێیداوەو دەستبەجێ گیانی لەدەستداوە، بەپێی زانیاریەکان دەنگی کرێکار ، کرێکارەکە ناوی یوسف فەیزوڵایە و تەمەنی 31 ساڵەو دانیشتووی گەڕەکی دەروازەی شارەکەیە. کرێکارەکە ، کرێکاری فەرمانگەی کارەبا نەبووە، لەلایەن دوو ئەندازیارەوە، لە شوێنی وەستانی کرێکارانی ڕۆژانەوە هێنراوەو خراوەتە سەر ستونی کارەبای هێڵی گشتی و دەستبەجێ کارەبا لێیداوەو گیانی لە دەستداوە. دوای ڕووداوەکە دوو ئەندازیار و دوو فەرمانبەری فەرمانگەی کارەبا، لەلایەن بنکەی پۆلیسی ئازادی دەستگیرکراون و خراونەتە ژێر لێکۆڵینەوە.
