ڕاهێنەرێک لەکاتی کارکردندا کەوتەخوارەوەو گیانی لەدەستدا
عمرچاوشین
دەنگی کرێکار /هەولێر
لەڕۆژی چوارشەممە لەبەرواری 29\10\2025 لەپڕۆژەیەکی نیشتەجێبوون ،لەناو شاری هەولێر کرێکارێک بەناوی (ئەنوەرشێخ ٲحمدی ) لەشوێنی کارەکەی بەربۆوەو گیانی لەدەستدا.
یەکێتی شاخەوانانی کوردستان تایبەت بە دەنگی کرێکار لەسەر کەسایەتی ئەو کرێکارە ڕایگەیاند ،کە : ئەنوەر شێخ احمدی خەڵکی شاری سنەی ڕۆژهەڵاتی کوردستان بوو ، بەڵام بۆکارکردن لەبەر بژێوی ژیانی و گەمارۆی ئابوری کەمەرشکێنی سەر ئێران هاتبوو بۆ باشوور لەسلێمانی دادەنیشت و ماڵی لێرەبوو.
ئەو ڕاهێنەری یەکێتیەکەمان بوو ،کەسێکی هێدی و بەئەزمون و ڕووخۆش بوو .
تازە ژیانی هاوژینی پێکهێنابوو بەڵام منداڵیان نەبوو.
یەکێتی شاخەوانانی کوردستان تایبەت بە ڕوداوی گیان لەدەستدانی ئەو کرێکارە بۆ دەنگی کرێکار ڕایانگەیاند ،
ڕووداوەکە لەناوشاری هەولێر بووە ( ئەنوەر ) جگە لەوەی ڕاهێنەرێکی خۆبەخش بوو لەیەکێتیەکەمان، بۆبژێوی ژیانی ڕوی کردبووە باشوور ،کرێکاری و کاری دەکرد ، ئەندازیاری کارەبا و دانانی سیستمی ئەسانسۆربوو (مسعد) بوو لەباڵەخانەی بەرز.
ئەوڕۆژە لەکاتی کارکردن لە نهۆمی پێنجەمی باڵەخانەکەوە کەکاری لێکردوە کەوتۆتە خوارەوەو بەداخەوە دەستبەجێ گیانی لەدەستدا.
ڕۆژێک دوای ڕووداوەکە ئێمەیان ئاگادارکردوەو تەرمەکەیان هێنایەوە بۆسلێمانی .
شاخەوانانی کوردستان باس لەدوا ماڵ ئاوایی لەڕاهێنەرەکەیان دەکەن و دەڵێن : لە ساتی بەڕێکردنی تەرمی ڕاهێنەری شاخەوانی یەکێتیەکەمان کاک ئەنوری شێخ احمدی سنەیی ، لەگەڵ خانەوادەبەڕێزەکەیان
لە شاری سلێمانی بۆ دەروازەی نێودەوڵەتی باشماخ و گەڕانەوەی تەرمی بێ گیانی بۆباوەشی بنەماڵەو کەسوکاری دڵ پڕ لەخەمی لەگەڵیاندابووین .
لەسەر دۆسیەی بەیاساییکردنی ئەم ڕووداوە شاخەوانانی کوردستان دەڵێن
خاوەنکارو براکەی کاک انورمان بینی لەسلێمانی تەرمەکەیان هێنایەو لەگەڵیان بوین ، بابەتی بەیاسایی کردن زیاتر خێزانەکەی لێی بەرپرسن لەڕووی یاساییەوە ، خاوەنکاریش زۆر هاوکاریان بووە لەپێدانی کارو بەڕێکردنەوەی تەرمەکەیی و .
بەڵام دڵنیاین دۆسیە بۆ ڕوداوەکە کراوەتەوەو لێکۆلینەوە لە ڕوداوەکە دەکرێت.
