له شاری به‌غداد، به‌هۆی كه‌وتنه‌خواره‌وه‌ی ئه‌سانسۆرێكه‌وه سێ کرێکاری خه‌ڵكی سنووری قه‌زای شنگال گیانیان له‌ده‌ست دا. به‌پێی زانیارییه‌كان، ئه‌مڕۆ دووشه‌ممه 27ی 11ی 2023، له كۆمه‌ڵگه‌ی نیشته‌جێبوونی عه‌به‌سلی ناوچه‌ی كازمییه‌ی شاری به‌غدای پایته‌ختی عێراق به‌هۆی كه‌وتنه‌خواره‌وه‌ی ئه‌سانسۆرێكه‌وه سێ كرێكار به‌ناوه‌كانی حه‌سه‌ن عه‌لی، نایف خدر و سه‌عدوون موراد گیانیان له‌ده‌ست دا.
هه‌ر به‌پێی زانیارییه‌كان، ئه‌و سێ كه‌سه‌ی كه گیانیان له‌ده‌ست دا، خه‌ڵكی كۆمه‌ڵگه‌ی خانه‌سۆر و ناحییه‌ی سنونێی سه‌ر به قه‌زای شنگالن.
