نەبوونی مەرجەکانی سەلامەتیی کار گیانی دوو برای کرێکاری سەندەوە
دەنگی کرێکار – هەولێر
لە درێژەی کارەساتی ڕۆژانەی کرێکاران لە شوێنەکانی کار و نەبوونی چاودێری و مەرجەکانی خۆپارێزی، دوو برای کرێکار لە سنووری پارێزگای هەولێر بەهۆی بەرکەوتنی تەزووی کارەباوە گیانیان لەدەست دا.
ڕووداوەکە لەناو کۆگاکانی بیت الدواء لەسەر ڕێگای سەرەکیی هەولێر – گوێڕ کاتێک ڕوویدا، کە ئەو دوو برا کرێکارە لە کاتی کارکردنی ڕۆژانەیاندا بەهۆی بەرکەوتنیان بەتەزوو کارەباوە هۆیەوە دەستبەجێ لە شوێنی ڕووداوەکە گیانیان لەدەست دا.
بەپێی زانیارییە بەدەستکەوتووەکان، قوربانییەکان بریتیین لە هەردوو برا
مەحموود ساڵح حەمدئەمین شێخۆ (لەدایکبووی ١٩٩٠)
عەبدولکەریم ساڵح حەمدئەمین شێخۆ (لەدایکبووی ١٩٩٨)
ئەو دوو کرێکارە هاووڵاتیی سووری بوون و نیشتەجێی کەمپی کەورگۆسک بوون لە سنووری پارێزگای هەولێر. جێگای ئاماژەیە لە کاتی ڕووداوەکەدا برایەکی سێیەمیان بە ناوی (فەیسەڵ ساڵح حەمدئەمین شێخۆ) لە شوێنی کارەکەدا ئامادە بووە و بە تەنیشت یەکەوە کاریان کردووە، بەڵام بە خۆشبەختانە ئەوسەلامەتە لەم کارەساتە دڵتەزێنە ڕزگاری بووە.
دوای ڕووداوەکە، تەرمی هەردوو برا ڕەوانەی پزیشکی دادوەریی هەولێر کراوە و لایەنە پەیوەندیدارەکان دەستیان بە لێکۆڵینەوە کردووە؛ ئەمەش لە کاتێکدایە کە نەبوونی ڕێکارەکانی سەلامەتی و تەندروستیی کار لە زۆربەی کۆگا و کارگەکانی هەرێمی کوردستاندا بەردەوام گیانی کرێکاران دەخاتە مەترسییەوە
