کارەساتێکی تر لە سێمێل ئەندازیارێک بەهۆی نەبوونی مەرجەکانی سەلامەتییەوە گیانی لەدەستدا
دەنگی کرێکار
جارێکی تر بەهۆی کەمتەرخەمی و جێبەجێنەکردنی مەرجەکانی سەلامەتیی پیشەیی لە شوێنی کاردا،
ڕووداوێکی تری دڵتەزێن لە سنووری پارێزگای دهۆک تۆمارکرا و بووە هۆی گیانلەدەستدانی ئەندازیارێک.
نیوەڕۆی دوێبی ٢٠٢٦/٦/٩، لە ئەنجامی بەربوونەوەی ئەسکەلەیەک لە باڵەخانەیەکی کۆمەڵگەی “کواشی” سەر بە قەزای سێمێل، ئەسکەلەکە بەسەر سەری ئەندازیارێکدا دەکەوێت و بەهۆی سەختیی برینەکەیەوە، دەستبەجێ لە شوێنی ڕووداوەکە گیان لەدەستدەدات. ناسنامەی قوربانییەکە قوربانییەکە ناوی (ڕەزا محەمەد شوجاعی) تەمەن ٥٤ ساڵە. ناوبراو خێزاندارە و خەڵکی ڕۆژهەڵاتی کوردستانە، لەو باڵەخانەیەدا وەک ئەندازیاری بەستن و چاککردنی ئاسانسۆر (مەسعەد) کاری کردووە.
لە ئێستادا تەرمی ناوبراو گواستراوەتەوە بۆ پزیشکی دادی دهۆک بەمەبەستی تەواوکردنی ڕێکارەکان و ڕادەستکردنەوەی بە بنەماڵەکەی. سێمێل؛ شوێنێکی مەترسیدار بۆ کرێکاران و کارمەندان ئەم کارەساتە نوێیە لە کاتێکدایە کە تەنها ٢٠ ڕۆژ پێش ئێستا، لە ڕووداوێکی هاوشێوەدا لەسەر باڵەخانەیەکی تری قەزای سێمێل، بەهۆی شکانی ئەسکەلەی تاوەرێکەوە چوار کرێکار پێکەوە گیانیان لەدەستدا.
