شەش کرێکار دیوارێک دەڕوخێت بەسەریاندا!
دەنگی کرێکار
نیوەڕۆی ئەمڕۆ، ٢٠٢٥/٧/١٠ شەش کرێکاری عەرەب زمان ، لەبینایەکی کۆمپانیای سەردار گروپدا کەدەکەوێتە نێوان ڕاپەڕین و طاسلوجەی سلێمانیەوە، حەوزێک بۆ گلدانەوەی ئاو دروست دەکەن، لەئاکامدا دیوارێک بەسەریاندا دەڕوخێت و بەداخەوە یەکێک لەکرێکارەکان گیان لەدەست ئەدات بەناوی (عەبداللە عامری ) تەمەن (۳۲) ساڵ خێزاندار
و دوانی تریشیان بەسەختی بریندار ئەبێت..
دروستکردنی ئەم حەوزە لەلایەن کۆمپانیایەکی مقاولاتیەوە بووە کەلەکۆمپانیای سەردار گروپی وەرگرتووەو پێئەچێت مەرجی سەلامەتی کارکردنی تێدا نەبێت…کەبەمجۆرە خەتەری مەرگ دەهێنێتە پێشەوەو کرێکاران دەکاتە قوربانی..
دەنگی کرێکار داوا لەلایەنی پەیوەندیدار دەکات هەرچی زووترە بەدواداچوون لەم کەیسە بکات و ڕێگاوشوێنی یاسایی بگرێتەبەر لەهۆکاری کوشتنی ئەو کرێکارەو نەهێڵن هەرجارەو بەپاساوی بێبنەماوە خوێن و ژیانی کرێکاران بەهۆی ڕووداوی کارەوە هەروا بەفیڕۆ بڕوات…
