دەرچووانی دانەمەزراو پەیامی خۆیان ئەدەن بەدەسەڵات!
| دەنگی کرێکار
بەپێی داتای فەرمی بەردەست لەهەرێمی کورستاندا نزیکەی ٣٠٠ هەزار دانەمەزراو هەیە هەتا ئێستا بەجیاوازی ساڵەکانەوە. کێشەی گەورەی کارمەندان و مامۆستایانی دانەمەزراو، دانەمەزراندو نەڕەخساندنی هەلی کارێکی گونجاوو بەردەوامە کەکاریگەری گەورەی لەسەر ژیان و داهاتووی هەریەکێک لەوان داناوەو بەشێکی لەبەرچاو لەوانی لەدۆخێکی تراژیدی سەختدا ڕاگرتووە.
ڕۆژی،٦/١٠/٢٠٢٤ لەکۆنگرەیەکی ڕۆژنامەوانیدا دەرچووانی دانەمەزراو پەیامێکیان ئاراستەی نوێنەرانی کورد لەبەغداو دەسەڵاتدارانی هەرێمی کوردستان کرد کە لەم چەند خاڵەی خوارەوەدا خرانە ڕوو:
١/ پێوویستە حکومەتی هەرێم بەشێوەیەکی دادپەروەرانە پابەند بێت بەدامەزراندنی دەرچووان بەپێی ساڵی دەرچوون و کۆنمرە
٢/ داوا لەنوێنەرانی کورد لەپەرلەمان و حکومەتی بەغداد دەکەین ساڵانە دامەزراندی پشکی هەرێمی کوردستان لەبودجەی حکومەتی ناوەنددا بچەسپێنیت
٣/ جێبەجێ کردنی کەمکردنەوەی تەمەنی خانەنشینی لە ٦٣ ساڵیەوە بۆ ٦٠ ساڵی، لەبەرئەوەی ئەگەر ئەمە جێبەجێ بکرێت، ئەوکاتە ٤ هەتا ٥ هەزار کەس لەفەرمانبەرو مامۆستا خانەنشین دەبن و دەتوانرێت دەرچووانی دانەمەزراو لەجێگایاندا دابنرێت.
٤/ لابردنی مەرجی تەمەن لەهەر دامەزراندنێک کەهەبێت بۆدەرچووان
٥/ بنەبڕکردنی تەزکیە حزبی لەکاتی دامەزراندندا
