دەنگی کرێکار بەهاوکاری تۆڕی هاوکاری کۆمەڵایەتی هاوکاری گەیاندە شارۆچکەی بازیان!
ڕۆژی هەینی بەرواری ٢٤-٢-٢٠٢٤
بڵاوکراوەی دەنگی کرێکار بە{ هاوکاری تۆڕی هاوکاری کۆمەڵایەتی }بڕی ٢٤ سەبەتە خۆراکی گەیاندە بازیان تەنها بۆ ئەو ماڵە نەدارو کرێچی و کرێکارانە نەک هەموو ماڵە زیان لێکەوتووەکان، کەبەهۆی لافاوی هەفتەی ڕابردووتر زەرەو زیانێکی گەورەیان بەرکەوت..
هاوپێچی ڕاگەیاندنی تۆڕەکە لێرەدا بڵاو دەکەینەوە!
لەبەردەوامی چوار ساڵی پڕ لەهەوڵ و خەمخۆری و دڵسۆزی تۆڕی هاوکاری کۆمەڵایەتی بۆ پشتیوانی و کۆمەک و هاوکاری خەڵکی نەدار و هەژاری کوردستان، ئەمڕۆ ٢٤-٢-٢٠٢٤ بەهاوکاری تۆڕەکانی هۆڵەنداو ئەڵمانیا، تۆڕەکانی هاوکاری کۆمەڵایەتی سلێمانی، بەهاوکاری بەردەوامی بڵاوکراوەی (دەنگی کرێکار)، لەشارۆچکەی بازیان وەک هاو دڵییەک، کۆمەک و یارمەتیەکانمان گەیاندە ٢٤ خێزانی زیان لێکەوتووی لافاوەکەی هەفتەی ڕابوردوو کە بریتی بوو لەچەندین جۆری خۆراک.
لێرەوە سوپاسی بێ پایانمان بۆ دڵسۆزان و خەڵکانێکی مرۆڤدۆست کە بەدرێژایی ئەم چەند ساڵە، پشتیوانی ئێمەو خەڵکی هەژاری کوردستان بوون. ئێمە لەچەندین شارو شارۆچکەی کوردستان و ووڵاتانی: سویسرا، ئەڵمانیا، هۆڵەندا، بەریتانیا، فینلەند، سویدو کەنەداو ئوسترالیا و نەرویج، کە لەماوەی کارکردنماندا کۆمەکمان بەهەزاران خێزان گەیاندووە، خۆبەخشانە هەموو هەوڵێکمان بۆ خزمەتکردنی بەشە هەژارەکەی کۆمەڵگەی کوردستان دەخەینە گەڕو بەردەوام ئەبین..
تۆڕی هاوکاری کۆمەڵایەتی ٢٤-٢-٢٠٢٤
راپۆرتی فیدۆیی
