گردبوونەوەی خاوەن ماتۆڕی دیلیڤەرییەکانی شاری کرکوک !
دە نگی کرێکار /کەرکوک
ئەمڕۆ ٢٣/١/٢٠٢٣ لەشاری کەرکوک، ژمارەیەک لەخاوەن ماتۆڕی دیلیڤەرییەکان لەنزیک بینای پارێزگاری ئەو شارە گردبوونەوەیەکیان ئەنجامدا لەدژی دەست بەسەرداگرتنی ماتۆڕەکانیان بەبیانووی نەبوونی ساڵانەو تابلۆو ژمارەی مەنەفێستەوە ..
یەکێک لەخاوەن ماتۆڕەکان ووتی: وەزارەتی ناوخۆ خۆی لەڕێگای دەروازەکانەوە هەزاران ماتۆڕ ئەهێنێتە ناوەوەو کەچی ئێستا بەبیانووی جۆراوجۆرەوە دەست بەسەر ماتۆڕەکانماندا ئەگرن و داوای ٤٥٠ هەتا ٥٠٠ سەد هەزار دەکەن بۆنویکردنەوەی ساڵانەو ڕەقەمکردن.. لەکاتێکدا نرخی ماتۆڕەکانمان لەو نرخەدایە کە بەڕێوەبەرایەتی هاتووچۆی کەرکوک داوا دەکات. ئێمە نەمووچەیەکمان هەیەو نەسەرچاوەیەک بۆ بژێوی و ژیانکردن، ڕۆژانە لەبەیانیەوە هەتا سەعات ١٢ شەو کارئەکەین هەتا ئەوپەڕی ١٥ هەزار دینار پەیدا دەکەین، لەکاتێکدا کرێچین و منداڵمان هەیەو چۆن بتوانین بەو ڕۆژانەیە ژیان بەڕێ بکەین. داوا دەکەن کەڕێگرییان لێنەکرێت لەپێناوی ئەوەی بتوانن ژیانێکی مەمرەو مەژی کەپێی ڕازین، بگوزەرێنن ..
