پزیشکانی دانەمەزراو گردبونەوە داوای مافی دامەزراندن دەکەن
هەولێر – دەنگی کرێکار
ئەمڕۆ یەکشەممە، بۆ جارێکی دیکە پزیشکانی دەرچووی دانەمەزراو وەک ناڕەزایەتییەک بەرامبەر بە بێکاری و پشتگوێخستنیان لەلایەن دەسەڵاتەوە لە بەردەم تەلاری وەزارەتی تەندروستی لە شاری هەولێر گردبوونەوە.
پزیشکە ناڕازییەکان بە بەرزکردنەوەی چەندین دروشمی جیاوازداوای مافی سەرەتایی و ڕەوای خۆیان کرد کە ئەویش دامەزراندنی هەمیشەییە لە کەرتی گشتیدا.
پزیشکە مانگرتووەکان جەختیان لەوە کردەوە کە چیتر قبوڵی ناکەن خزمەت و ماندووبوونی ساڵانی خوێندنیان پشتگوێ بخرێت.
داواکارییەکانیان لەم خاڵانەدا کورت دەبێتەوە
پەلەکردن لە ڕێکارەکانی دامەزراندن پڕکردنەوەی میلاکاتی نەخۆشخانە حکومییەکان کە پێویستییەکی زۆریان بە کارمەندی نوێ هەیە.
دادپەروەری لە هەلی کاردا دابینکردنی هەلی کار بۆ سەرجەم دەرچووانی بەشە پزیشکییەکان بەبێ جیاوازی. کۆتاییهێنان بە بێکاری ڕاگرتنی سیاسەتی پشتگوێخستنی گەنجانی خاوەن بڕوانامە و دابینکردنی ژیانێکی شایستە بۆیان.
دەنگی ناڕەزایەتی یەکێک لە پزیشکە بەشداربووەکانی ناو گردبوونەوەکە بە تاڵییەوە ڕایگەیاند ئێمە ساڵانێکی زۆر بە ماندووبوونێکی زۆرەوە خوێندوومانە ئێستاش لەبری ئەوەی لە نەخۆشخانەکاندا خزمەتی هاوڵاتیان بکەین حکومەت ناچاری کردووین لەسەر شەقامەکان بپاڕێینەوە بۆ مافە سەرەتاییەکانمان.
پزیشکانی دانەمەزراو ئاماژەیان بەوە کردووە کە ئەمە کۆتا هەنگاویان نابێت.
بڕیاریانداوە بەردەوام بن لە گردبوونەوە و چالاکییە مەیدانییەکانیان تا ئەو کاتەی وەزارەتی تەندروستی و حکومەتی هەرێم وەڵامێکی کردەیی و ڕوونیان دەدەنەوە و کێشەی دامەزراندنیان بۆ یەکجاری چارەسەر دەکەن.
تێبینی وێنەکان وەرگیراون
