مامۆستایان بەردەوامن لەبایکۆت و خۆپیشاندان!
ئەمڕۆ بەرواری ٣-١٢-٢٠٢٣ .. مامۆستایان بەڕیزی دەیان هەزار کەسییەوە جارێکی تریش نمایشی خۆپیشاندانەکانیان کردەوەو لەسەر بایکۆت و داوا ڕەواکانیان پێداگرییان کردەوە..
هاوکات سەدەها کەس لەکرێکاران وخەڵکی ناڕازی، هەروەها نوێنەران و چالاکوانانی قەزای شارەزورو سیدصادق و چەمچەماڵ و دەڤەری پشدەر پەیامی پشتگیری خۆیان خوێندەوەو بانگەوازیان کرد کەجەماوەری خەڵکی کوردستان پەیوەست بن بەوانەوەو ڕیزی ناڕەزایەتیەکان گەورەتر بکەنەوەو ئیرادەی یەکگرتوانەیان بهێننە مەیدانەوە بۆ فشاری بەهێزتر بۆسەر دەسەڵات هەتا ناچار بکرێن کە مل بەخواست و مافەڕەواو زەوتکراوەکانی خەڵکی کوردستان بدەن..
