ئاگرێکی گەورە لەکارگەیەکی قیر لەعەربەت کەوتەوە
دە نگی کرێکار ناوی بریندارەکان بڵاو دە کاتە وە
دەنگی کرێکار- سلێمانی
بەپێی زانیارییەکانی دەنگی کرێکار، سەرلەبەیانی ئەمڕۆ ٢٥/١٠/٢٠٢٣ لەکاتێکدا تەنکەرێک خەریکی بەتاڵکردنی قیری شل دەبێت لەعەمبارێکدا لەکارگەی قیری زلیۆن ZILLION COMPANY بەهۆی کەووتنەوەی ئاگرەوە عەمبارەکە دەسووتێت و بەداخەوە شۆفێرێک گیان لەدەست ئەدات و سێ کەسی تریش سووتاوون کەڕێژەی سووتاووییەکەیان لەگەڵ ناوەکانیان لەخوارەوە ئاماژە پێئەدەین:
١-ئیدریس سەلام، تەمەن ٥٠ ساڵ ، ڕێژەی سووتاوویەکەی ٩٨%
٢-سەمیر ڕەشید، تەمەن ٤٣ ساڵ ،خەڵکی پارێزگای دهۆک – قەزای بەردە ڕەش ، ڕێژەی سووتاووییەکەی ٩٧%
٣-هاوسەر یوسف ، خەڵکی قەزای دەربەندیخان ، تەمەن ٢٧ ساڵ ، ڕێژەی سووتاووییەکەی ١٥%… بەداخەوە سووتاوەکان ئێستا لەخەستەخانەی ئیمیرجنەیسین و دۆخی دوانیان ناجێگیرە.
شایانی باسە، هەتا ئێستا پاش زیاتر لە ٦ کاژێر ئینجا نەتوانراوە تیمەکانی ئاگرکوژاندنەوە کۆنترۆڵی ئاگرەکە بکەن بەهۆی قەبارەی گەورەی ئاگرەکەوە..
